AS BRANAS

Nestes espazos descritos non encontramos unicamente cordas, senón tamén as branas. Básicamente, os físicos entenderon que as cordas abertas necesitaban rematar nalgunha parte, tiñan que estar ancoradas a un obxecto que ademais enchese todo o espazo; as branas. Existirían tamén branas de distintas dimensións que ademais se estirasen polas dimensións extra.

Ademais, estas branas poderían intersecar con outras branas, o que dotaría de maior liberdade ás cordas unidas a elas, agora poderían ter cada extremo amarrado a unha brana diferente, o que confiere a esa corda novas propiedades. Por exemplo, unha brana pode dotar de carga eléctrica a unha corda, mentres que a outra brana dote de carga de cor, así, a corda comportaríase como un quark.

Segundo isto, os electróns, os neutrinos, os quarks... todas as partículas do noso universo poderían ser cordas, cada unha ancorada con distintas branas, tendo así as súas distintas propiedades. Agora, tanto a estructura das branas como a forma en que o espazo nestas dimensións extra está compactificado, afectará a como vibren as cordas, influirá no número de partículas que haxa, as súas masas o a forza da súa interacción.

A compactificación axuda a determinar cales son as leis do noso universo e aquí e onde os físicos seguen traballando, porque non hai unha única maneira de compactificar todas esas dimensións extra, senón que hai múltiples formas diferentes, igual de válidas, cada unha xerando as súas propias leis.

Este conxunto de diferentes posibilidades recibe o nome de Landscape. Algúns apuntan a isto dende unha perspectiva negativa: a teoría debería indicar cal é a nosa compactificación e cales son as leis do noso universo, non aportar unha enorme cantidad de opcións. Porén, outros pensan que existe algo fundamental neste feito:

Igual que a astrofísica nos indica que existen varias maneiras de crear un sistema planetario e que de feito, existen no cosmos; é posible que a teoría de cordas estea a dicir que existen diferentes formas de fabricar un universo e que o noso é un con unha compactificación determinada entre outros moitos universos diferentes, convivindo nun Multiverso.

A TEORÍA DE CORDAS

Nesta entrada falarei sobre unha das teorías nas que se apoia o LOONAVERSE e o seu concepto de universo dividido en varias dimensións: A teoría de cordas.

Esta teoría nace cando os físicos tiñan un problema coa gravidade. Mentres o resto de interaccións seguían as leis cuánticas, a gravidade non se comportaba da mesma maneira. Por isto, os físicos comezaron a pensar en formas para unir as frozas máis fundamentais baixo as mismas normas. Entre as diferentes propostas, destaca a idea de que as partículas máis elementais do universo non eran obxectos puntuais senón obxectos entensos, coma cordas. Así nace a teoría de cordas, todavía non demostrada.

Que é unha corda?
A corda e un filamento moi pequeno que dependendo de canto vibre xera cada unha das partículas elementais coñecidas. Isto tamén explica como as partículas interaccionan entre si. As particulas do modelo estándar, as que coñecemos, como o fotón ou o gluón, estarían representadas por cordas abertas. Por outra parte, o gravitón, a particula mediadora da gravidade, estaría representada por unha corda pechada.






Dúas cordas abertas poden combinarse e dar lugar a unha única corda aberta, ou partirse e formar dúas, así se explicarían as interaccións entre as partículas. Tamén pode ocorrer que unha corda aberta se convirta nunha pechada ao dobrarse. Desta última forma sería como a materia emite gravitones e como crea campos gravitatorios.









Porén, a parte máis interesante de toda esta teoría e a máis relacionada co LOONAVERSE é a existencia de dimensións extra.

Se poñemos as tres cordas que representan as tres dimensións do espazo, destas vibracións xurdirán as distintas partículas e como estas interactúan coa gravidade. Se ocorre desta forma, o resultado segue sendo o mesmo, a gravidade non se comporta ben seguindo as leis cuánticas co resto.

Porén, se cambiamos a forma na que as cordas vibran aumentando o número de dimensións do espazo ata 9, conseguimos que o resultado sexa favorable. Mais, ata onde nós coñecemos, o noso universo ten tres dimensións, onde están as demais?

A idea da compactificación explícanos esta cuestión. Para entendela, utilizarei o exemplo empregado polo físico Brian Greene na súa TED Talk en 2005. Imaxinemos un cable. Se nós miramos ese cable dende unha ventá, veremos unha liña unidimensional, mais se o estudamos dende máis cerca veremos que é un cilindro, que poderiamos movernos sobre a súa superficie, o que o fai tridimensional. Podería ser que o noso mundo funcionase igual, que ás nosas escalas pareza tridimensional pero que se fósemos a tamaños moito máis pequenos encontraríamos máis dimensións ocultas en espacios minúsculos, compactos de unha determinada forma (compatificación).

O UNIVERSO

En anteriores entradas explicamos a relación entre o Möbius e o LOONAVERSE. A realidade é que o universo ou dimensión na que LOONA habita funciona como esta figura.

Para entender mellor o concepto explicareino cun exemplo: se nós debuxamos un Möbius, distinguimos tres lados: un na parte de atrás, un na parte de diante, e outro que situaríamos no xiro da cinta. Temos que ter en conta que se o debuxamos nunha folla de papel, esta ten dúas caras, igual que o LOONAVERSE. O noso universo presenta un lado escuro e un lado luminoso e, como ben sabemos, neste mundo todo está ao revés. A escuridade reflicte á luz.

Toda esta información serve para comprender un pouco mellor as relacións entre as diferentes dimensións do LOONAVERSE e a orixinalidade deste proxecto. Tamén fan falta certos coñecementos de física cuántica, a teoría de cordas, etc... que engadiremos en posteriores entradas.

O máis importante é distinguir as tres dimensións que comprenden o LOONAVERSE e que están representadas pola cinta de Möbius. Ademais, hai que ter en conta o coñecemento dos outros mundos sobre eles mesmos.


Comezaremos polo primeiro: A Terra. Orbit sitúa este mundo na parte de diante, ou parte superior do Möbius, a denominada "cara luminosa". Este garda unha gran similitude coa nosa realidade, mais contando cos elementos fantásticos do LOONAVERSE, como é a existencia de androides (ViVi). Como xa dixemos, aquí encóntranse ViVi, Heejin, Hyunjin, Haseul e Yeojin. Como vemos, existen os edificos, as escolas, as cidades, vehículos...

O segundo universo sitúase no medio, no xiro da figura. Aquí as cousas comezan a variar moito máis. Esta dimensión está habitada por OEC e actúa como un mundo intermedio entre a luz e a escuridade. Denomínase Cosmos ou Mundo Intermedio e presenta elementos e apariencias confusas e cambiantes. Nuns momentos semella recordar á Terra, mais noutros transfórmase nunha dimensión misteriosa e máxica.

 

Finalmente, o terceiro universo: O Edén. Consiste nese lado escuro do que falaramos antes. Un reflexo da Terra pero cun xiro sinistro. Mentres no primeiro tíñamos cidades cheas de edificos e vida, neste encontrámonos con fáctorías, estruturas industriais escuras e densos bosques. Presenta unha atmosfera moito máis baleira e solitaria. Nela habitan Yves, Chuu, Go Won e Olivia.

Unha vez explicadas as tres dimensións, nas seguintes entradas centrarémonos en comprender as teorias detrás de todo isto.

COMEBACK!

Hoxe, 5 de febreiro de 2020, ás dez da mañá publicouse o novo álbum de LOONA: "#", cun concepto máis forte e girls crush que nunca mostraran as nosas talentosas rapazas. De novo céntranse en temas tan importantes como a confianza, a liberdade e a ruptura dos estereotipos. Por desgraza neste comeback non contamos coa nosa querida líder Haseul, quen se atopa descansando, máis a súa presencia parece reflexarse ao final, coa aparición de dúas plumas brancas.
Grazas á súa interesante e pegadiza melodía, LOONA móstranos unha nova cara, unha nova imaxe máis segura que nunca con So What, a súa canción principal.
O novo MV e os teasers seguro continuarán co noso viaxe polo LOONAVERSE e Orbit non pode esperar para coñecer máis acerca desta nova era.

O LOONAVERSE XIRA

Para comezar coas explicacións primeiro temos que recurrir a como funciona o LOONAVERSE. Na presentación xa falaramos acerca de como o LOONAVERSE xiraba e, efectivamente, así é.

A estructura deste mundo funciona coma unha banda ou cinta de Möbius.

En que consiste a cinta ou banda de Möbius?

Consiste nunha superficie dunha única cara e un só borde. Ten a característica matemática de ser non orientable e foi descuberta polos matemáticos August Ferdinand Möbius e Johann Benedict Listing en 1858. 

En realidade, aínda que a primeira vista poida resultar unha figura moi complexa, é moi sinxela de crear. Simplemente necesítase unha tira de papel, dáselle media volta a un dos extremos e pégase co outro. 

Agora falaremos dalgunhas das súas principales características:

1.  Ten unha única cara, se decidiramos colorear a "aparentemente" cara exterior acabariamos coloreando toda a figura, por ista razón non ten sentido falar dunha cara exterior ou interior. Outro exemplo atópase nesta representación, se esta persoa con cada paso fose deixando pegadas, toda a cinta estaría marcada cando rematase unha volta. Polo tanto é imposible determinar cal é a parte de arriba e cal é a parte de abaixo.

2. É unha figura non orientable. Esto pode comprobarse da seguinte maneira, se unha persoa se deslizase pola cinta tumbara e mirando cara a dereita, ao completar unha volta e chegar ao punto de partida, atopariase mirando cara a esquerda. 
3. Relacionado co caso anterior, pódese determinar que ten un único borde, xa que se collemos o noso dedo e seguimos o borde "externo", ao chegar ao punto de partida atoparemonos no borde "interno".
4. Outra característica é que se se efectúa un corte ao longo da cinta de Möbius obtemos dous resultados:

• Se o corte realízase na metade exacta do ancho da cinta obtense unha banda máis larga pero con dúas voltas. 

No caso de realizar un segundo corte nesta cinta, obtereiamos dúas bandas entrelazadas. Se seguimos efectuando cortes conseguiremos máis cintas entrelazadas

• Se o corte non se realiza na mitad exacta da banda, obteñense dúas cintas entrelazadas, unha coa lonxitude da orixinal e outra co dobre da orixinal.

Esta figura foi moi utilizada para crear obras de arte. Un exemplo foi o artista neerlandés M. C. Escher, quen realizou numerosas obras inspiradas nesta estructura.

Outro exemplo de obra de arte sería, por suposto, o propio LOONAVERSE.

ÚLTIMAS MEMBROS

Por fin estamos ante a última entrada que tratará sobre os aspectos máis básicos de LOONA.

Neste caso, cada membro de yyxy ten unha froita representativa como peculiaridade.

 YVES

Ha Sooyoung, tamén coñecida como Yves (pronunciado como Eve, "Eva") naceu o 24 de maio de 1997 foi a novena membro en debutar coa súa canción "New" o 28 de novembro de 2017.

Yves representa a parte máis adulta da súa subunidade, aportando certa madurez grazas á súa voz. Porén o seu talento vai máis al, está considerada a bailarina principal no grupo polas súas incríbles habilidades. Os seus movementos, pulidos e cortantes á vez que suaves e gráciles, quedan perfectos se se xuntan coas súas expresións.

En canto á súa personalidade, nun principio era a máis incómoda das rapazas, sen saber moi ben como actuar coas demais. Porén, co tempo converteuse nunha irmá maior para todas elas, sobretodo para as membros da súa subunidade.

O seu animal representativo é o cisne, a súa cor é o granate e a súa froita é a mazá.

 

Aquí podemos vela rodeada de mazás simbolizando o relato bíblico en "New"

O seu photoshoot caracterízase por vestidos brancos cheos de plumas, coma se fose un cisne. Ademais está relacionado co "Lago dos cisnes", unha coreografía de ballet altamente coñecida, isto fai referenza ás súas habilidades no baile.


CHUU

Kim Jiwoo, cuxo nome artístico e Chuu, naceu o 20 de outubro do 1999 (20 anos actualmente) e debutou como a décima membro co seu solo "Heart Attack" o 28 de decembro de 2017.

Jiwoo é a rapaza máis adorable do mundo e ninguén pode negalo. É unha persoa alegre, extrovertida e encantadora. Chuu é a vocalista principal no grupo grazas á súa potente e doce voz capaz de alcanzar notas incríbles, como podemos ver en Hi High. Ademais, o seu solo é o máis famoso de todos, sobretodo entre o colectivo LGBTIQ+; de feito, no desfile do orgullo en Seoul foi unha das cancións que máis soaron.

O seu animal é o pingüín, a súa cor é o rosa melocotón e a súa froita é a fresa.

 

É moi típico que orbit regale peluches de pingüíns durante os fansigns (firmas de autografos nas que os fans poden interactuar cos seus ídolos).

No seu MV pódense ver varias tomas nas que aparecen fresas, de feito no momento en que Yves "recoñece" a Chuu, esta última acepta comela.

  GO WON

Go Won, quen ten como nome real Park Chaewon, foi a undécima rapaza revelada. Naceu o 19 de novembro do ano 2000 (19 anos actualmente) e debutou o 30 de xaneiro de 2018 con One&Only.

Go won é unha auténtica princesa, ten unha elegancia natural e un aspecto misterioso que a converte nunha das mellores modelos en LOONA. De feito a súa actitude e xestos tamén parecen sacados de alguén pertencente á realeza. Porén, o seu talento non remata aquí, Chaewon conta cunha das voces máis peculiares do grupo, a cal é extremadamente aguda, capaz de chegar a notas bastante imposibles e crear un tipo de rap que o fandom adora.

O seu animal é a mariposa, a súa cor e o verde Edén e a súa froita é a piña.

No seu MV podemos apreciar ao seu animal distintivo,coma na maioría dos solos.












No MV tamén existe unha escena moi curiosa na que Chaewon come piña e o seu cabelo cambia de cor, dende o negro ao rubio. 
Dato curioso: Go Won tivo que decolorar o seu cabelo de negro a loiro, logo tinguilo de negro outra vez e volver a decolorar de novo. Todo isto para grabar distintas escenas do vídeo.

 OLIVIA HYE 

 

Son Hyejoo, co nome artístico de Olivia Hye, ten 18 anos e naceu o 13 de novembro do 2001. Debutou como a duodécima e última membro de LOONA co seu incríble solo "Egoist" o 30 de marzo de 2018.

Hyejoo, aínda que polas súas apariencias semella unha muller forte e poderosa (que o é), tamén é moi doce e adorable, sobretodo cos seus fans (e Go Won).

Olivia é moi coñecida pola súa presencia en escena e as súas excelentes habilidades para o baile, mais iso non significa que a súa voz non sexa fermosa tamén.

O seu animal é o lobo, a súa cor o gris e a súa froita a ciruela.

 







Nalgúns instantes, a silueta e imaxe dun lobo pode percibirse ao longo do MV.

En canto á súa froita (ciruela), tamén aparece relacionada coa imaxe anterior, cando Olivia a morde.






Finalmente rematáronse as presentacións. Agora que xa coñecemos ás membros de LOONA, as protagonistas arredor das que xira esta historia e as nosas compañeiras neste viaxe, podemos comezar a entender e desentrañar os misterios do LOONAVERSE.

yyxy

Estamos achegándonos ao final das presentacións. Hoxe introduciremos a terceira e, actualmente, última das subunidades: yyxy

 

Yves, Chuu, Go Won e Olivia debutaron como subunidade o 30 de maio de 2018 co seu mini álbum "beauty&thebeat". Este, a diferencia do resto de agrupacións non tivo ningún repackage. 

O seu concepto xeral, como vemos no MV da súa canción principal e apreciamos nas melodías do seu álbum, parecería similar ao de LOONA 1/3. Porén, neste caso estamos ante unha presentación moito máis adorable e etérea, sen caer na elegancia de, por exemplo, "Sonatine".

En "love4eva" nárrase outra forma de comprender e apreciar o sentimento do amor. Explícase como o verdadeiramente importante é vivir a experiencia e acoller esas fermosas sensacións en vez de preocuparse por ser correspondido. Ademais, os solos de Yves, Go won e Olivia cerran o círculo das diferentes etapas ou situacións amorosas. Mentres LOONA 1/3 e OEC mostraban o amor inocente e o amor pasional respectivamente. Estas tres rapazas e os seus singles cantan ao desamor e á consecuente evolución cara o amor propio, como expliquei na entrada acerca da relación de LOONA co feminismo. Declaran polo tanto a importancia de primeiro enamorarse de si mesmas para poder amar aos demais.

Antes de falar sobre o seu rol no LOONAVERSE, farei un pequeno inciso acerca da beleza do video da súa canción debut. Este foi rodado no palacio de Szabadkígyós, unha pequena vila situada en Bekés, na rexión de Southern Great Plain en Hungría. Este enorme castelo presenta tamén grandes xardíns labirínticos ademais de cuantiosas habitacións.

Esta fermosa obra da arquitectura representa o Edén, a dimensión na que habitan estas rapazas. Edén tamén é o nome do paraíso segundo a Biblia, paraíso no que habitaron Adán e Eva antes de cometer o pecado universal. Como veremos máis adiante, a historia destas rapazas no LOONAVERSE será similar ao relato bíblico. Ademais, cada unha delas presenta unha froita

Aquí podemos ver a Olivia situada no castelo durante o inicio do MV. De feito, durante a canción as rapazas percorren os seus corredores e xardíns.

Finalmente falarei dun dos seus aspectos máis chamativos, como é o seu nome. yyxy ten un dobre significado. Por unha parte son as siglas de "Youth Youth By Young", neste caso facendo referencia as experiencias da xuventude que completan o ego: namorarse, a dor do desencanto e a recuperación para seguir adiante. Por outra, o seu nome trátase dun novo cromosoma neantrópico. Un cromosoma é unha estructura altamente organizada formada por ADN e proteínas, que contén gran parte da información xenética dun ser vivo. Este é diferente a XX ou XY e trátase xustamente de yyxy.