SUBUNIDADES

As subunidades son un elemento bastante común no mundo do KPOP. Trátanse de divisións dentro dun grupo. Estas están constituídas por un número variable de membros e teñen o seu debut oficial coma se fosen un grupo diferenciado.

Na maioría dos casos, as subunidades créanse, xunto coas carreiras solistas, despois do debut do grupo, tras uns anos na industria. Isto débese ao obxectivo das empresas de acadar o maior número de fans posibles antes de levar a cabo estas tarefas complementarias ás grupales.

Sen embargo, como xa se pode intuir, LOONA non vai seguir esta corrente, xa que neste grupo todo adoita ocorrer "ao revés".

En LOONA, o sistema de debut vai ser diferente; de tal maneira que as doce rapazas foron debutando primeiro en solitario, cada unha co seu propio single, facendo pausas cada certo número de membros revelados e creando entón unha subunidade. Unha vez debutadas as tres divisións oficiais (LOONA 1/3, ODD EYE CIRCLE e YYXY), fíxose un debut grupal co seu increíble album "++" onde participaron todas xuntas.

O aspecto máis máxico de LOONA radica nas diferencias entre subunidades. Non se tratan de simples divisións azarosas. Son moito máis que iso. Cada unha representa unha dimensión ou mundo situado nun lugar concreto dentro do seu universo, coas súas características e ambientacións propias. Deste aspecto farei máis incapé noutra entrada, co comezo das teorías.

Mais antes diso, é necesario coñecer as protagonistas da historia. Co fin de facer unha presentación o máis ordeada posible, xa que o orden vai ser un elemento crucial para non perderse no LOONAVERSE, comezarei explicando cada subunidade coas súas características e os seus respectivos membros.  

LOONA 1/3 + Yeojin

ODD EYE CIRCLE

 

YYXY 

Welcome to the LOONAVERSE

Benvidos ao LOONAVERSE. Un lugar que non deixa de moverse, de xirar e de cambiar. Un mundo, un universo ficticio no que habitan doce preciosas, talentosas e misteriosas mulleres: LOONA.

 

• QUE É LOONA?

LOONA é un grupo idol (ídolo musical) surcoreano de KPOP (xénero musical Coreano) creado pola compañía BlockBerryCreative. Alí son coñecidas como 이달의 소녀 (idal-ui sonyeo), que significa "A rapaza do mes", nome que fai referenza ao seu sistema de debut. Cada membro foi revelándose en distintos meses dende o 26 de outubro de 2016 ata o seu debut grupal o 19 de agosto de 2018.

"LOONA" (LOOΠΔ) é o seu nome internacional, trátase dun orixinal xogo de letras formado por unha reorganización das primeiras sílabas de cada caracter ou letra do hangul:  ㅇㄷㅇㅅㄴ. Se as organizamos doutra maneira dan lugar a: ㄴㅇㅇㄷㅅ. De feito, este reordenamento pode apreciarse ao principio dos seus teasers e videoclips.

 

Ademais, este nome pronunciase exactamente igual que "Luna", o famoso satélite da Terra. Este feito é moi utilizado nas súas teorías e na súa historia no LOONAVERSE, que están fortemente unidas a temas de caracter astronómico. Incluso o nome do fandom, é dicir, o grupo de fans, é Orbit; que significa "órbita". Este, ademais de estar relacionado con esta temática, ten outro significado aínda más especial e íntimo. Orbit é pronunciado en coreano como "O-bit", sendo que a "O" representa unha lúa chea e "bit" significa "luz". A interpretación en conxunto sería que os seus fans son a luz que ilumina o seu camiño.

O grupo está organizado en tres subunidades diferenciadas e que xogan o seu papel dentro do universo, estas son: LOONA 1/3 + Yeojin, ODD EYE CIRCLE e  yyxy. Cada unha ten unhas características e incluso poderes especiais.

Pero non só as subunidades teñen as súas extrañezas. Cada rapaza é única. Todas teñen a súa propia cor e animal representativo. Estes datos tamén son utilizados nos videos como unha simboloxía.

Todo isto será explicado máis adiante, xunto coa introducción das membros.

Como se pode ver, LOONA non é un grupo musical "normal". LOONA é un proxecto, unha historia, unha dimensión diferente.

Non son só doce rapazas que cantan e bailan ben. Non.

LOONA é arte.

"Queremos ir máis alá de xéneros, razas e nacionalidades". Estas palabras pertencentes a Yves, unha das membros, poderían ser un bo resumo do seu obxectivo.

É un grupo que quere marcar a diferencia promovendo a súa propia mensaxe, aínda que esto vaia en contra dos estándares coreanos e lles coste a súa fama no seu propio país.

LOONA demostra como a través dunha melodía pódese contar unha gran historia chea de xiros e complicacións, conseguindo unir a miles de persoas coa mesma finalidade: comprender os misterios do LOONAVERSE.

LOONA tamén demostra como a ciencia e a música poden combinarse e dar lugar a algo tan fermoso como interesante.

Así que, de novo, benvidos ao LOONAVERSE.